艺人陈家乐有份参与英皇贺岁片《廉政风云 烟幕》演出，虽然戏份一般，但有幸扮演影帝刘青云下属，兼且对手戏不少，家乐亦大感荣幸。谈到首次接拍贺岁片，家乐谓：“其中一场戏讲我哋几个廉政调查员去拉人，导演麦兆辉安排我哋喺升降机内，企喺青云身后，讲明镜头个个都见到，但又冇讲明要我哋点演，希望我哋感受吓气氛自己决定点做。可能大家都有啲压力，个个都想做好啲突出自己，于是有人扮玩手机、有人扮托眼镜，亦有人呼吸好急速，青云忍唔住拧转头问我哋究竟喺度搞乜，麦导就问我哋点解搞到好似拍笑片一样！”

台前幕后完成该场戏份后，即由轻松“转Tone”到严肃兼紧张，家乐说：“因为紧接就拍爆炸戏嘞，大家都亲身上阵，知道一爆就会爆好多嘢出嚟，当然亦有一定嘅危险性，所以大家好认真去试位，好彩最终顺利完成。希望今次嘅表演令麦导满意，迟啲开第二、三集嘅时候都会记得我哋成班人，可以畀我哋继续‘连戏’，有得再同几位影帝、影后交手。”

《廉》年初七全日票房达122万，截至今日中午12时，累积票房则高达2,225万，走势持续凌厉！