莎朗史东自爆曾中风险死！

凭《本能》（Basic Instinct）红尽荷里活的影星莎朗史东（Sharon Stone）近日自爆2001年中风后，曾一度被告知仅得5%生存机会，最后执番命仔，不过都要重新学讲嘢与写字！

现年59岁的莎朗自言43岁当年因中风而脑出血9日，导致她有生命危险：「我只得5%机会生还，当我中风（康复）回家，我几乎行唔到路，我嘅髋关节不稳，我左眼睇唔到嘢，左边耳仔亦听唔到嘢。」她自言之后用上几年慢慢学写字以及讲嘢：「我有三年时间写唔到自己个名，我无办法令手臀跟住我思想咁去做，所以我要重新再学阅读同写字，仲要再学讲嘢，用咗几年去感觉左脚（知觉）『回归』，好彩（左脚）最后都番咗嚟！」

莎朗另表示靠睇电视度过复康生活，指剧集有助她重新学习对白以及恢复拍摄记忆，她又指当时曾一度唔识讲对白，幸而现时已经康复，莎朗将主演HBO新作《Mosaic》，而她亦自爆自己是英国剧集的粉丝，大讚人气剧《王冠》（The Crown）外，更自言爱睇《神探福尔摩斯》（Sherlock），更笑称自己为「Cumberbxxtch」，即主演「福尔摩斯」的英国男星班尼狄甘巴贝治（Benedict Cumberbatch）的粉丝！

好彩现时已经康复！


她更自言爱睇英剧，迷「福尔摩斯」（右）！

来源：东网