失婚生瘤算甚么!黎瑞恩宁做“声声梦里人”
投稿邮箱:admin#80sd.org | 来源:东网     2018-01-14 09:47:52
关键字:失婚生瘤算甚么,黎瑞恩宁做声声梦里人
导读:成世人流流长,有冇谂过自己有乜梦想?25岁前结婚生仔、30岁上车有个安乐窝、40岁高薪厚职、50岁UnUn脚等退休,做个

成世人流流长,有冇谂过自己有乜梦想?25岁前结婚生仔、30岁上车有个安乐窝、40岁高薪厚职、50岁UnUn脚等退休,做个高端人?又或者…… 你从来都冇梦想,见步行步、得过且过、日日食、玩、瞓等寿终正寝,做个低端活死人?其实食、玩、瞓都好讲条件,若果你唔系富二代,含住金锁匙出世,都几难做到。歌仔都有得唱“一人有一个梦想”,冇梦想同条咸鱼有咩分别?主唱的黎瑞恩梦想就系唱歌做歌手,但可惜……呢个梦想对佢嚟讲一直都系这么近、那么远。

闯入豪门又出关

学古巨基话斋,小恩子真系好锺意唱歌,8岁入屯门儿童合唱团唱Choir,见有歌唱比赛就报名参加,直到1989年喺一个歌唱比赛夺冠,幸运地遇上伯乐、香港著名音乐人安格斯,从此改变佢一生,几经转折签约宝丽金,喺九十年代,同刘小慧、汤宝如、王馨平、周慧敏合称五小花,梦想开始成真。

但好景不常,当年喺呢个圈,事业同爱情岂能兼得? Nuts哥见过唔少失败例子。小恩子于1997年邂逅富家公子曾智明,为免恋情见光死,做足多年隐形女友,但未入门前,夫家对于小恩子贩卖色相作幕前演出睇唔顺眼,曾公开以“歌女”形容小恩子,嫌弃之情溢于言表!之不过小恩子认为喺对的时间遇上对的人,就系一生幸福,甘为爱情牺牲歌唱事业,放弃梦想解约退隐,由屯门一脚踏入九龙塘做豪门少奶奶。

小恩子向来都系一个有坚持、目标清晰、对未来充满期盼嘅人,从佢嘅歌《发誓》、《阳光路上》等都隐约听得出佢嘅心声。有次Nuts哥同小恩子聚会,讲番佢一段揸车的经历,有故事得嚟,亦可以睇得出佢嘅做人态度。

大雨跣胎遇猛男

话说小恩子一向有司机管接管送,但佢从来好少动用司机,拥有中港车牌嘅佢每次北上神州,都锺意自己揸车穿州过省。Nuts哥曾问过佢一个女人仔,唔惊咩? 佢就话:“唔担心,我揸得好小心,唔会饮酒揸车,亦唔会超速驾驶。我都算几幸运,未遇过碰瓷党!”

同唱歌一样,小恩子揸车就系有呢份坚持,不过有次惊险事,就令佢记忆犹新。小恩子话有次揸车同几个朋友去第二个省份,当时滂沱大雨,座驾跣入泥田河床,突然有数名大汉倏地现身,问佢使唔使帮手?小恩子脑中闪过一丝不安:“又风又雨,突然有几个男人问使唔使帮手,系咪坏人嚟??”不过好彩最后只系小恩子谂多咗,嗰几个男人当时夹手夹脚用绳拉番佢哋架车上地面,小恩子一心用钱酬谢对方,但对方连声拒绝,只谓路见不平,拔刀相助而已。



本站推荐信息
本站最新更新
本栏目推荐信息
联系本站:admin#80sd.org  新浪官方微博: http://weibo.com/201263118
CopyRight ©2005-2012 80视点网 All Rights Reserved Designed by Phily
80视点网,追踪新闻热点!  
【免责声明】本站转载文章仅代表作者本人观点,与80视点网无关。80视点网对文中陈述保持中立,不对所包含内容的准确性、可靠性或完整性提供任何明示或暗示的保证。请读者仅作参考,并请自行承担全部责任。
  • 12321网络不良与垃圾信息举报受理  
  •   
  • 12321网络不良与垃圾信息举报受理中心